Kamran İmanov: "Hay-erməni uydurmalarına ciddi yanaşmaq düzgün deyil"
20 Aprel, 2018 11:15
https://report.az/elm-ve-tehsil/kamran-i-manov-hay-ermeni-uydurmalarina-ciddi-yanasmaq-duzgun-deyil
"Gülməli olsa da, bizim göstərdiyimiz faktlar erməni tarixi "kəşf"lərinin qarşısında aciz görünür".
"Report" xəbər verir ki, bunu Müəllif Hüquqları Agentliyinin sədri Kamran İmanov "Qədim şərtlər və klassik mənbələr erməni saxtakarlıqlarını və uydurmalarını ifşa edir" mövzusunda tədbirdə deyib.
O bildirib ki, ermənilərin "kəşf"inə görə Ermənistan sivilizasiya beşiyidir və hind-avropalıların köküdür, qədim misirlilər biliklərini ermənilərdən əldə ediblər və piramidaların tikintisini onlara ermənilər öyrədiblər: "Həmin "kəşf"lərə görə, Vikinqlər erməni soyköklüdürlər, bunlar Britaniya adalarına qədər irəliləmişlər, Yerevan Romadan qədimdir, Xorvatiya, Bosniya, Belçika, Amerika, Kanada, Soçi, Suxumi, Odessa adları – hay-erməni yaradıcılığıdır və s. Bu cür saysız-hesabsız hay-erməni uydurmaları var. Bunlara ciddi yanaşmaq da düzgün deyil.
Erməniçilik, dəfələrlə qeyd etdiyimiz kimi, mif yaradıcılığına, mifomaniyaya çox meyllidir. Bu uydurmalar "böyük torpaqlar" mifini, qonşulara ərazi iddialarını və onların mədəni irsinin mənimsənilməsini bir-birinə bağlayır".